ព័ត៌មាននិងព្រឹត្តិការណ៍លម្អិត

លោក គង់ អាទិត្យ ប្រធានសហភាពការងារកម្ពុជា (CLC) បានអញ្ជើញចូលរួមវគ្គបណ្ដុះបណ្ដាលស្ដីពី «ការកសាងសមត្ថភាពសម្រាប់សហជីពលើជំនាញបៃតង និងការងារបៃតង» នៅសណ្ឋាគារកាំបូឌីយ៉ាណា នាព្រឹកថ្ងៃអង្គារ ទី២០ ខែឧសភាព ឆ្នាំ២០២៥។

គោលបំណងនៃវគ្គបណ្ដុះបណ្ដាលនេះ គឺដើម្បី៖
១.ដើម្បីផ្ដល់ចំណេះដឹងមូលដ្ឋានពាក់ព័ន្ធនឹងជំនាញ និងការងារបៃតង
២.ដើម្បីបង្កើនចំណេះដឹងលើនិរន្តរភាពបរិស្ថាន និងចំណេះជំនាញពាក់ព័ន្ធ ដល់វិស័យផ្សេងទៀត
៣.ដើម្បីឈ្វេងយល់ថាតើសហជីពអាចតស៊ូមតិដោយរបៀបណា ពាក់ព័ន្ធនឹងការអនុវត្តការងារប្រកបដោយចីរភាព
៤.ដើម្បីបណ្ដុះបណ្ដាលអ្នកចូលរួមឱ្យយល់ដឹងពីយុទ្ធសាស្ត្រ និងឧបករណ៍អនុវត្តដើម្បីរួមបញ្ចូលជំនាញបៃតងនៅន្លែងការងារ
៥.ដើម្បីពង្រីកកិច្ចសហប្រតិបត្តិការជាមួយសហជីពនៅក្នុងការលើកកម្ពស់អន្តរកាលបៃតងប្រកបដោយយុត្តិធម៌។

វគ្គបណ្តុះបណ្តាលនេះរៀបចំដោយ ក្រុមប្រឹក្សាសហជីពជាតិកម្ពុជា (NTUC) ក្រោមការគាំទ្រពីអង្គការអន្តរជាតិខាងការងារ (ILO) ដោយ​មានអ្នកចូលរួមប្រមាណ ៣៨នាក់ (ស្រ្តី ៥០%)​ ៕