ព័ត៌មាននិងព្រឹត្តិការណ៍លម្អិត

កាលពីថ្ងៃទី០៨ ខែមករា ឆ្នាំ២០២៥ សហភាពការងារកម្ពុជា (CLC) បានរៀបចំ «សិក្ខាសាលាឆ្លុះបញ្ចាំងប្រចាំឆ្នាំ» ជាមួយដៃគូពាក់ព័ន្ធដែលកំពុងតែអនុវត្តគម្រោង «លក្ខខណ្ឌរស់នៅកាន់តែប្រសើរសម្រាប់កម្មករទាំងអស់គ្នា» ដែលហៅកាត់ថា BELIEVE នៅសណ្ឋាគារសាន់វេ រាជធានីភ្នំពេញ។

សិក្ខាសាលានេះ មានគោលបំណងដើម្បីវាយតម្លៃអំពីសមិទ្ធិផលសំខាន់ៗ បញ្ហាប្រឈមផ្សេងៗ និងចំណុចដែលបានរៀនសូត្រពីការអនុវត្តគម្រោង BELIEVE​ ក្នុងឆ្នាំ២០២៤ ហើយនិងដើម្បីរៀបចំផែនការសកម្មភាពសម្រាប់អនុវត្តឆ្នាំ២០២៥។

<សិក្ខាសាលានេះ> គឺជាផ្នែកមួយនៃការអនុវត្តគម្រោង «លក្ខខណ្ឌរស់នៅកាន់តែប្រសើរសម្រាប់កម្មករទាំងអស់គ្នា» ក្រោមការគាំទ្រមូលនិធិពីសហភាពអឺរ៉ុប៕