ព័ត៌មាននិងព្រឹត្តិការណ៍លម្អិត

(ខេត្តព្រះសីហនុ) នៅថ្ងៃទី១៧ ខែកញ្ញា ឆ្នាំ២០២៣នេះ លោក អាត់ ធន់ ប្រធានសហភាពការងារកម្ពុជា (CLC) បានដឹកនំាសមាជិកសហជីពតំណាងកម្មករនិយោជិកចូលរួម និងលោកបានចូលរួមជាវាគ្មិនពិភាក្សាតុមូលលើការអនុវត្តរបបសន្តិសុខសង្គមក្នុងវេទិកាប្រចាំឆ្នាំថ្នាក់តំបន់ រវាងបេឡាជាតិសន្តិសុខសង្គម ជាមួយថ្នាក់ដឹកនាំមូលដ្ឋាន និងតំណាងកម្មករនិយោជិកក្រោមប្រធានបទ៖ ដំណើរឆ្ពោះទៅរករបបសន្តិសុខសង្គមប្រកបដោយបរិយាបន្ន ឆ្លើយតបយេនឌ័រ និងជាសកលនៅកម្ពុជា។

វេទិកានេះ បានប្រារព្ធឡើងក្រោមអធិបតីភាពរបស់អភិបាលរងខេត្តព្រះសីហនុ និងមានការចូលរួមពីវាគ្មិនសំខាន់ៗ មកពីមន្ទីរសុខាភិបាល អង្គការសង្គមស៊ីវិល និងតំណាងសហជីព ក្រោមការសម្របសម្រួលរបស់អង្គការអុកស្វាមកម្ពុជា។