ព័ត៌មាននិងព្រឹត្តិការណ៍លម្អិត

សហភាពការងារកម្ពុជា (CLC) បានសហការជាមួយនឹងសហព័ន្ធសហជីព សមាគម និងអង្គការដៃគូ ដើម្បីប្រារព្ធទិវាអន្តរជាតិនារី ០៨ មីនា ខួបលើកទី១១៤ ក្រោមប្រធានបទ «លើកកម្ពស់សិទ្ធិកម្មករស្ត្រីក្នុងវិស័យការងារ» នៅថ្ងៃទី០៨ ខែមីនា ឆ្នាំ២០២៥ នៅរាជធានីភ្នំពេញ ។​ ទិវានេះមានអ្នកចូលរួមជាង​១២០នាក់ (ស្រ្តី៨០%) ដែលមកពី សហភាពសហជីព សហព័ន្ធសហជីព សហជីព សមាគម និងអង្គការដៃគូ ។

គោលបំណងនៃការប្រារព្ធទិវានេះ គឺ៖

– ផ្តល់ឱកាសដល់កម្មករនិយោជិតចូលរួមអបអរសាទរទិវាអន្តរជាតិនារី​ ០៨​ មីនា

– លើកកម្ពស់ការយល់ដឹងដល់អ្នកចូលរួមអំពីប្រវត្តិនៃការតស៊ូរបស់វីរៈនារីក្នុងបុព្វហេតុសិទ្ធិសេរីភាពរបស់នារី ។

– បច្ចុប្បន្នភាពនៃការគោរពសិទ្ធិ​ និងលក្ខខណ្ឌការងារសម្រាប់នារីនៅកន្លែងការងារ ។

សហភាពការងារកម្ពុជា តែងតែចូលរួមសហការជាមួយគ្រប់ភាគីពាក់ព័ន្ធ ជាពិសេស រដ្ឋាភិបាល និងភាគីនិយោជក រួមទាំងអង្គការដៃគូនានាដើម្បីជំរុញលើកកម្ពស់កិច្ចសន្ទនាសង្គម និងទំនាក់ទំនងវិជ្ជាជីវៈ ក្នុងការឈានទៅរកការលើកកម្ពស់ជីវភាពរស់នៅសមរម្យរបស់កម្មករនិយោជិតទាំងក្នុងប្រព័ន្ធ និងក្រៅប្រព័ន្ធ ក្នុងប្រទេសកម្ពុជា។ មានតែការទំនាក់ទំនងវិជ្ជាជីវៈល្អទេ ដែលអាចឈានទៅរកការចរចាដ៏ស្មោះត្រង់៕