ព័ត៌មាននិងព្រឹត្តិការណ៍លម្អិត

នារសៀលថ្ងៃទី ១៦ ខែកុម្ភៈ ឆ្នាំ២០២៤ នេះ សហភាពការងារកម្ពុជា បានសហការជាមួយគម្រោង ACV-CSCi នឹង WSM រៀបចំកិច្ចប្រជុំមួយរវាងមន្ត្រីគម្រោងរបស់សហព័ន្ធ/សមាគមស្ថិតក្រោមឆត្រ CLC ដើម្បីពិភាក្សាលើការអនុវត្តគម្រោង រួមទាំងប្រមូលលទ្ធផល និងការរៀនសូត្រឆ្នាំ២០២៣ និងចូលរួមពិនិត្យលើផែនការអនុវត្តគម្រោង ACV-CSCi ឆ្នាំ២០២៤ ផងដែរ។

នៅក្នុងកិច្ចប្រជុំនេះ បានសម្រេចលើរបៀបវារៈមួយចំនួនដូចជា៖ ការបង្កើតគណកម្មការបច្ចេកទេស ក្នុងការត្រួតពិនិត្យតាមដានការអនុវត្តគម្រោង បង្កើតប្រព័ន្ធទំនាក់ទំនងសម្រាប់គណកម្មការបច្ចេកទេស ពិនិត្យ និងផ្តល់យោបល់លើផែនការអនុវត្តគម្រោងសកម្មភាពឆ្នាំ២០២៤ រួមគ្នា។