ព័ត៌មាននិងព្រឹត្តិការណ៍លម្អិត

កាលពីថ្ងៃទី៥ ខែមីនា ឆ្នាំ២០២៤ លោកស្រី ម៉េង ណាវី អ្នកសម្រសម្រួលគម្រោង WSM របស់សហភាពការងារកម្ពុជា បានរៀបចំកម្មវិធីជួបជុំរវាងលោក Kifli Meirhaq មន្ត្រីសម្របសម្រួលគម្រោង WSM (We Social Movements) ប្រចាំប្រទេសកម្ពុជា ឥណ្ឌូនេស៊ី និងហ៊្វីលីពីន ជាមួយនិងតំណាងសហព័ន្ធសហជីពមូលដ្ឋានទាំង ៤ វិស័យរួមមាន សម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា (C.CAWDU) សហព័ន្ធសហជីពកម្មករសំណង់និងព្រៃឈើកម្ពុជា (BWTUC) សហព័ន្ធសហជីពកម្មករនិយោជិតវិស័យឧស្សាហកម្មកម្ពុជា (CIWF) និងសហព័ន្ធសហជីពកម្មករវិស័យដឹកជញ្ជូនកម្ពុជា (CTWF)។

នៅក្នុងពិធីជួបជុំនេះ លោក Kifli Meirhaq បានផ្ដល់ឱកាសដល់សិក្ខាកាមចែករំលែកអំពីការយល់ដឹង បទពិសោធ និងសំណូមពរផ្សេងៗ ទាក់ទងនឹងលទ្ធផលនៃការអនុវត្តគម្រោង WSM កន្លងមក ដែលផ្តោតលើប្រព័ន្ធគាំពារសង្គមនៅកម្ពុជា។