ព័ត៌មាននិងព្រឹត្តិការណ៍លម្អិត

អង្គការ Oxfam ជាមួយដៃគូថ្នាក់តំបន់ សហជីព អង្គការ សមាគមមកពីប្រទេសកម្ពុជា ឡាវ និងវៀតណាម បានរៀបចំសិក្ខាសាលាដៃគូថ្នាក់តំបន់ប្រចាំឆ្នាំ២០២៣ និងការផ្លាស់ប្តូរបទពិសោធរបស់ដៃគូអភិវឌ្ឍន៍នៅក្នុងតំបន់ ចាប់ពីថ្ងៃទី31 ខែតុលា ដល់ថ្ងៃទី03 ខែវិច្ឆិកា ឆ្នាំ 2023 នៅទីក្រុង Luang Prabang ប្រទេសឡាវ ដោយមានគណៈប្រតិភូជិត 70នាក់ បានចូលរួមក្នុងកម្មវិធីនេះដ៍សំខាន់នេះ។

CLC គឺជាដៃគូមួយក្នុងចំណោមដៃគូរបស់ DGD និង Oxfam Cambodia ដែលបានសហការយ៉ាងពេញលេញនៅក្នុងសិក្ខាសាលានេះ គឺដើម្បីធ្វើឱ្យប្រសើរឡើងលើនូវប្រព័ន្ធកិច្ចគាំពារសង្គម និងសិទ្ធិការងារសម្រាប់កម្មករស្ត្រីក្នុងវិស័យកសិ-ម្ហូបអាហាររបស់អាស៊ាន (2022-2026)។

សិក្ខាសាលាថ្នាក់តំបន់នេះ បានប្រមូលផ្តុំដៃគូជាតិទាំងអស់ពីកម្ពុជា ឡាវ និងវៀតណាម និងដៃគូក្នុងតំបន់ ដើម្បីវាយតម្លៃវឌ្ឍនភាព ពិភាក្សាអំពីបញ្ហាប្រឈម និងការផ្លាស់ប្តូរក្នុងបរិបទនយោបាយសង្គមនៃប្រទេសនីមួយៗ និងស្វែងយល់ពីគំនិតផ្តួចផ្តើមរួមគ្នាសម្រាប់ធ្វើឱ្យមានឥទ្ធិពលលើយុទ្ធសាស្ត្ររបស់អាស៊ាន។