ព័ត៌មាននិងព្រឹត្តិការណ៍លម្អិត

នៅថ្ងៃទី២៥ ខែកញ្ញ្ញា ឆ្នាំ២០២៣ នៅខេត្តសៀមរាម អង្គរ លោក អាត់ ធន់ ប្រធានសហភាពការងារកម្ពុជា បានអញ្ជើញចូលរួម និងថ្លែងសុន្ទរកថាបើកកម្មវិធីនៅក្នុងសិក្ខាសាលាអន្តរជាតិថ្នាក់តំបន់ ស្ដីពី បម្រែបម្រួលអាកាសធាតុ និងកិច្ចគាំពារសង្គម (Climate Justice & Adaptive Social Protection) ។

នៅក្នុងកិច្ចប្រជុំនេះដែរ លោក អាត់ ធន់ បានថ្លែងមតិស្វាគមន៍យ៉ាងកក់ក្ដៅដល់សិក្ខាកាមទាំងអស់ដែលមកពីប្រទេសផ្សេងៗដូចជា បែលហ្សិក អូស្ត្រាលី បង់ក្លាដេស ឥណ្ឌា ឥណ្ឌូនេស៊ី ហ្វីលីពីន នេប៉ាល់ និងអង្គការដៃគូផ្សេងៗនៅប្រទេសកម្ពុជាដែលមានអ្នកចូលរួមប្រមាណ ៧០ នាក់។

ក្រៅពីនេះ លោកបានមានប្រសាសន៍ថា ការបម្រែបម្រួលអាកាសធាតុ គឺជាបញ្ហាប្រឈមមួយដែលគ្រប់ប្រទេសនៅក្នុងពិភពលោកកំពុងតែជួបប្រទះនឹងបញ្ហានេះ រួមទាំងប្រទេសកកម្ពុជាផងដែរ។

លោកបន្ថែមថា ការបម្រែបម្រួលអាកាសធាតុនៅក្នុងប្រទេសកម្ពុជាបណ្ដាលមកពីការកាប់បំផ្លាញព្រៃឈើ ការបំពុលទឹកដោយរោងចក្រឧហ្សាហកម្មមួយចំនួន និងកត្តាផ្សេងទៀត។

ក្រៅពីនេះ លោកមានប្រសាសន៍ថា កិច្ចគាំពារសង្គម មានភាពប្រសើរឡើងនៅក្នុងប្រទេសកម្ពុជា ពីព្រោះរបប ៣ ក្នុងចំណោម ៤ បាននិងកំពុងតែអនុវត្តដូចជា គ្រោះថ្នាក់ការងារ ការថែទាំសុខភាព និងប្រាក់សោធននិវត្តន៍។

សិក្ខាសាលានេះ សហការ រៀបចំដោយអង្គការ WSM, ACV និង សហភាពការងារកម្ពុជា CLC ។