ព័ត៌មាននិងព្រឹត្តិការណ៍លម្អិត

រសៀលថ្ងៃទី២៩ ខែមីនា ឆ្នាំ២០២៤ លោក អាត់ ធន់ ប្រធានសហភាពការងារកម្ពុជា និងសហការី បានជួបពិភាក្សាជាមួយតំណាងក្រសួងការងារ និងបណ្ដុះបណ្ដាលវិជ្ជាជីវៈ រួមមានឯកឧត្ដម សោម ចំណាន រដ្ឋលេខាធិការ និងសហការីរបស់ក្រសួងការងារ អំពីដំណើរការ និងការវិវត្តផ្នែកច្បាប់ជុំវិញវិវាទ និងបណ្ដឹងក្នុងវិស័យការងារចំពោះថ្នាក់ដឹកនាំសហជីព និងកម្មករនិយោជិត នៅទីស្ដីការក្រសួងការងារ និងបណ្ដុះបណ្ដាលវិជ្ជាជីវៈ។

នៅក្នុងការពិភាក្សានេះ អង្គប្រជុំបានលើកឡើងពីករណីជាច្រើន រួមមាន៖
– បណ្ដឹងព្រហ្មទណ្ឌប្រឆាំងទៅនឹងថ្នាក់ដឹកនាំសហព័ន្ធ សហជីព
– ការតាមដានសំណុំរឿង និងបណ្ដឹងជាប់គាំង
– ការបកស្រាយច្បាប់ស្ដីពីការទូទាត់សំណង ការចុះបញ្ជីសហជីព
– ការបញ្ឈប់ថ្នាក់ដឹកនាំ
– ករណីសំណុំរឿង ៩៩ ករណីដែលនៅសល់
– និងបញ្ហាប្រឈមផ្សេងៗទៀតរបស់សហជីព កម្មករនិយោជិត

បន្ទាប់មកពីពីភាក្សាអស់រយៈពេលជាង ៤ មក ភាគីរាជរដ្ឋាភិបាល និងសហជីពបានឯកភាពគ្នានឹងប្រមូលសំណុំរឿងទាំងអស់មកធ្វើការពិភាក្សា និងដោះស្រាយ ដើម្បីឱ្យមានដំណោះស្រាយសមស្របសម្រាប់ភាគីនីមួយៗ។