ព័ត៌មាននិងព្រឹត្តិការណ៍លម្អិត

សហភាពការងារកម្ពុជា (CLC) បានរៀបចំសិក្ខាវគ្គបណ្ដុះបណ្ដាលស្ដីពី «យេនឌ័រ និងអត្ថប្រយោជន៍មាតុភាពនៃប្រព័ន្ធគាំពារសង្គម» ដល់អ្នកចូលរួមប្រមាណ ៣០ នាក់ ដែលជាថ្នាក់ដឹកនាំ សកម្មជន សមាជិកនៃសហព័ន្ធសហជីព និងសមាគមនៃចម្រុះវិស័យរបស់សហភាពការងារកម្ពុជា ថ្ងៃសៅរ៍ ទី២៩ ខែមិថុនា ឆ្នាំ២០២៤ នៅទីក្រុងភ្នំពេញ។

គោលបំណងនៃវគ្គបណ្ដុះបណ្ដាល៖
– ផ្តល់ចំណេះដឹងពី យេនឌ័រ និងអត្ថប្រយោជន៍មាតុភាពនៃប្រព័ន្ធគាំពារសង្គមដល់ក្រុមគោលដៅ
– ចង់ឃើញអ្នកចូលរួមមានសមត្ថភាព ចែករំលែកការយល់ដឹងរបស់ខ្លួនទៅដល់ក្រុមការងារ សហគមន៍ និងអ្នកពាក់ព័ន្ធឱ្យយល់ពីព័ត៌មានដែលបានផ្តល់នៅក្នុងវគ្គបណ្តុះបណ្តាល
– ចង់ឃើញមានការលើកកម្ពស់យេនឌ័រ និងប្រព័ន្ធគាំពារសង្គមនៅកម្ពុជាឱ្យកាន់តែមានភាពទូលំទូលាយ។

<វគ្គបណ្តុះបណ្ដាលនេះ> ត្រូវបានធ្វើឡើងក្រោមគម្រោង «លក្ខខណ្ឌរស់នៅកាន់តែប្រសើរសម្រាប់កម្មករទាំងអស់គ្នា» ក្រោមការគាំទ្រមូលនិធិពីសហភាពអឺរ៉ុប។