ព័ត៌មាននិងព្រឹត្តិការណ៍លម្អិត

នៅព្រឹកថ្ងៃទី២០ ខែកញ្ញា ឆ្នាំ២០២៣ លោក អាត់ ធន់ ប្រធានសហភាពការងារកម្ពុជា និងសហការីបានចូលរួមសិក្ខាសាលាត្រីភាគីត្រៀមថ្នាក់ជាតិ វេទិកាអាស៊ានលើកទី១៦ ស្ដីអំពីទេសន្តរប្រវេសន៍ (AFML) លើប្រធានបទ “ការបង្កើនប្រសិទ្ធភាពនៃប្រព័ន្ធទេសន្តរប្រវេសន៍ការងារស្របច្បាប់ក្នុងតំបន់អាស៊ាន” ។

ក្នុងឱកាសនោះដែរលោក អាត់ ធន់ បានធ្វើបទបង្ហាញស្ដីអំពីសកម្មភាពរបស់សហភាពការងារកម្ពុជា នៅក្នុងការលើកកម្ពស់សិទ្ធិរបស់កម្មករ ទាំងក្នុង និងក្រៅប្រព័ន្ធនៅក្នុងប្រទេសកម្ពុជាបច្ចុប្បន្ន រួមទាំងការលើកកម្ពស់កម្មករចំណាកស្រុកទាំងនៅក្នុងប្រទេស និងក្រៅប្រទេសផងដែរ។

លោកបានបង្ហាញអំពីសេវាកម្មរបស់ មជ្ឈមណ្ឌលធនធានពលករ បានផ្ដល់ចំណេះដឹង ព័ត៌មាន ជំនួយផ្នែកច្បាប់ ការបណ្ដុះបណ្ដាល ការប្រឹក្សាយោបល់ ការសម្របសម្រួល និងសេវាកម្មនានា សម្រាប់ពលករទេសន្តប្រវេសន៍ដែលបម្រុងទៅរកការងារធ្វើនៅក្រៅប្រទេស និងពលករទេសន្តរប្រវេសន៍ ដែលត្រឡប់មកវិញព្រមទាំងគ្រួសាររបស់ពួកគេ។

វេទិការនេះដែរ មានអ្នកចូលរួមចំនួន ៥០នាក់ មកពី CLC Cambodia អង្គការ ILO ស្ថានទូតអូស្រ្តាលី ស្ថានទូតដាណាដា ក្រសួងការងារ អង្គការ GADC អង្គការ IOM អង្គការ LSCW នាយកដ្ឋាន TVET សមាគមពាណិជ្ជកម្មកម្ពុជា CAMFEBA និងសមាគម NACC៕