ព័ត៌មាននិងព្រឹត្តិការណ៍លម្អិត

គោលបំណងនៃយុទ្ធនាការនេះ គឺ៖

លើកកម្ពស់ការយល់ដឹង៖ លើកកម្ពស់ការយល់ដឹងអំពីបញ្ហាប្រឈមនៃកិច្ចគាំពារសង្គមដែលកម្មករ និងកសិករជាស្ត្រី ជួបប្រទះក្នុងវិស័យកសិ-ស្បៀងអាហារក្នុងចំណោមអ្នកបង្កើតគោលនយោបាយ អ្នកពាក់ព័ន្ធ និងសាធារណជន។

ផ្តល់សិទ្ធិអំណាចដល់ក្រុមគោលដៅ៖

លើកទឹកចិត្តកម្មករ និងកសិករជាស្ត្រី ឱ្យទទួលបានកិច្ចគាំពារសង្គមដែលមានស្រាប់ និងសិទ្ធិរបស់ពួកគេ។

តស៊ូមតិសម្រាប់ការកំណែទម្រង់គោលនយោបាយ៖

ប្រមូលការគាំទ្រសាធារណៈ និងស្ថាប័ន សម្រាប់ប្រព័ន្ធគាំពារសង្គមដែលឆ្លើយតបទៅនឹងយេនឌ័រ និងបរិយាប័ន្ន។

ជំរុញកិច្ចសហប្រតិបត្តិការ៖

ពង្រឹងភាពជាដៃគូក្នុងចំណោមអង្គការសង្គមស៊ីវិល អាជ្ញាធរមូលដ្ឋាន និងអ្នកពាក់ព័ន្ធអន្តរជាតិ ដើម្បីដោះស្រាយគម្លាតនៃកិច្ចគាំពារសង្គម។

តាមរយៈគំនិតផ្តួចផ្តើមនេះ កសិករ និងកម្មករជាស្ត្រី រួមទាំងសហភាពការងារកម្ពុជា (CLC) សហព័ន្ធសហជីពកម្មករកសិកម្មកម្ពុជា (CAWF) សម្ព័ន្ធសហគមន៍កសិករកម្ពុជា (CCFC) និងអង្គការបន្ទាយស្រី (BS) ផ្ដល់វេទិកានៃការពង្រីកសំឡេងរបស់ស្ត្រី និងយុវកសិករនៅតាមជនបទដោយដាក់សំណើអំពីក្ដីកង្វល់ជូនក្រុមប្រឹក្សាជាតិគាំពារសង្គម រាជរដ្ឋាភិបាល និងស្ថាប័នពាក់ព័ន្ធរួមគ្នាដោះស្រាយវិសមភាពជាប្រព័ន្ធ និងជំរុញការផ្លាស់ប្តូរប្រកបដោយបរិយាប័ន្ននៅក្នុងក្របខណ្ឌគាំពារសង្គមរបស់កម្ពុជា៕